"علم و بلیم" | بلاگ

"علم و بلیم"

تعرفه تبلیغات در سایت

"علم و بلیم"

عمر باقی همدم ، یولینگده یولداش 
داشارده ، ایچرده اوینگده سرداش 
یلغوزلیق چاغینکده اووینگده،برباش
یورک فراستی ، علم دیر بلیم

یورک باغی یاشیل ! قرمزی ، یوزلر
آچیلر آنگمایان گورمه جک گوزلر
استاد لر باشلادی در ساچیب سوزلر
سیز دن سرایتی ، علم دیر بلیم

یوراگینگ گویجی دیر ،باش ذکاوتی
اوقو بخش لار سیزه ، بو سخاوتی
سویگی دن مهر آلر بویاغ دیواتی
قلمینگ قدرتی ، علم دیر بلیم

گل لادیب اوسدیرار ادب باغی نی
آنگلادار دنیا نینگ سولی ساغی نی
ال دن برمه فرصت بیلن چاغی نی
وقتینگ غنیمتی ، علم دیر بلیم

علم بیلن بیتر یورک یاره سی
دانگ آتیب یوغالر گیجه قره سی
بلیم لی انسان لر آدم سره سی
اونینگ کرامتی ، علم دیر بلیم 

عقل لی پیخاس لی علمه یقین لر
ثمرلی شجر دیر یاشاب اوقین لر
معانی دریا سی ، یورک تولقین لر
موج لر اصالتی ، علم دیر بلیم

تمدن بای لیفی دور مز ده اوزار
دپرانیب ماحولی یاتمز ده گیزار
ترقی خاصه سی دامر ده سوزار
شعله اشاعتی ، علم دیر بلیم

یر یوزین بیلارسن گونشی ، آیی
غاناتینگ مثالی ، آسمان همایی
اخلاقینگ اییه سی ادبینگ بایی
انسان لیق حرمتی علم دیر بلیم

یورک آبادان لیق اقبالینگ گویجی
مقصد منزلینده ، یولی گوریجی
درساچارسخن لرسوزلرینگ سویجی
دیلینگ حلاوتی ، علم دیر بلیم 

جهالتینگ کفن دونی نی بیچر 
غارانگقی غاچماغه یولی نی آچار 
داربوری یاختی لاب نوری نی ساچار
ضیاء بشارتی ، علم دیر بلیم 

لقمان لر تاپیلر ، درده درمان لر
شریعت ایزلایجی صاحب قران لر
ملک لری فتح ایلان شاه لرسلطان لر
کوشک و ریاستی علم دیر بلیم 

بهره آلان لره حد سیز ، سلامی 
معنی دن ساچدیلر سوزی ، کلامی
ایزار لاب تاپدیلر منزل مقامی
باش تاجی، شوکتی علم دیر بلیم

مصلحت سیز لره ! آتا ، آغه لر
درک اتسین بویولده یاش لرچاغه لر
ناغش لاب باشینده علم اوتاغه لر
عقلینگ زینتی ، علم دیر بلیم

سوزکوب "ولیزاده"آیدیب باشلاسام
خیال دنیاسینده کونگیل ناغشلاسام 
تعظیم لاب استادلرغولین اوغشاسام
هر بیر اشارتی ، علم دیر بلیم

ولیزاده اندخویی جده 1437.12.27 هج ق پنجشنبه گونی

ادامه مطلب

...
نویسنده : بازدید : 17 تاريخ : پنجشنبه 24 خرداد 1397 ساعت: 7:16