امكانسيز سيودا | بلاگ

امكانسيز سيودا

تعرفه تبلیغات در سایت

امكانسيز سيودا


////////
گوزلرين وصفه گـــلمەز قاشلارييدا هلالدى
سيودا يامان بـير دەرتدى حرام دەگى حلالدى
عشقين ازين آلمـاميش گونول قاپيسين چالدى
من ايولييەم سەن ايولى امكانسيزدى بو سيودا
گيزەرەم مجنون كيــمين زندان اولوبدو ايودا
****
سيودا حلال اللاهـــــــدان اما بيزيمكى حرام
نيجه ترك ايديم ســـــــەنى نيجه باغلييم يارام
ترك ايده بيلمەم عشقين بولمام كيمسده چارام
من ايولييەم سەن ايولى امكانسيزدى بو سيودا
گيزەرەم مجنون كيمــين زندان اولوبدو ايودا
****
سيوداي گونلومده بەگدى اولموشام اونون قولو
عجبه سيوداميزا بيلــــــــــــــميرەم علاج اولو
سيوديم سەنى بيلميرەم چاشيرتميشام دؤز يولو
من ايولييەم سەن ايولى امكانسيزدى بو سيودا
گيزەرەم مجنون كيــمين زندان اولوبدو ايودا
****
عشقميزين چــــــارى يوخ نيلەييم يامان باختا
اؤگوندەن سەنى سيوديم ياشيرام حسرەت آختا
زمان گەرى دؤنــــەيدى عتابيم واردى واختا
من ايولييەم سەن ايولى امكانسيزدى بو سيودا
گيزەرەم مجنون كيــمين زندان اولوبدو ايودا
****
رجام اللاهدان سيوداي گونلومده دائيم قالسين
عشقين گونلومدەن سيلـسه همەن عؤمرومو آلسين
قورخورام سيوداي منى يامان دەرتلره صالسين
من ايولييەم سەن ايولى امكانسيزدى بو سيودا
گيزەرەم مجنون كيــمين زندان اولوبدو ايودا
****
دەندەن اوغلو گونلرى سيودا آيرليق هجران
مجنون گيبى گيزيرى عشق اونا اولموش عنوان
يامان بير عشق آرديـــندان دونيادا اونا زندان
من ايولييەم سەن ايولى امكانسيزدى بو سيودا
گيزەرەم مجنون كيــمين زندان اولوبدو ايودا
///////////////////////
فلاح ده نده ن اوغلو

...
نویسنده : بازدید : 33 تاريخ : دوشنبه 29 شهريور 1395 ساعت: 16:04