مخدومقلی فراغی نینگ غوشغی لارینده قیامتینگ نشانه لاری

مخدومقلی فراغی نینگ غوشغی لارینده قیامتینگ نشانه لاری
یازیجی: الله مراد نظری
مخدومقلی فراغی نینگ غوشغی لاری آنگیرسینه گوزیتمجک بیردریا دیر. بو دریا نینگ آستینده بیرناچه بهاسینی بهالاب بولماجاق ذات لاریاتان دیر. حاضره چنلی هم اونینگ کابیرغوشغی لارینده نامه ذاد لار بیان ادیلیب دیر، دوغری صورت دا بلله نن یوق دیر. هر بیر انسان و آیراتین هم خلقی میز مخدومقلی فراغی نینگ غوشغی لارینی بیر آنگیرسینه گوزیتمأن دوران دریا بیلیان بولسه لار، اونده بودریا نینگ آستینده بار در لری چقاریب، بیر بیر جهانه تانیدسه لار و گورکز سه لر یخشی بولار.
مخدومقلی فراغی بییک بیر معلم دیر. اول حقیقی سویگینی، بیک تنگری تعالی انسان لارینگ سویگیسی نی ، وطن سویجی لیگی، انسان لار بیلن آره غاتناشغی، آزاد لیقدا یاشایشی، دوغریچیلیغی، ادرمنلیگی، مردانه لیغی و شویله دا انسانه گرکلی مهم بولان ذاد لاری اوز غوشغی لارینده بیان ادماک بیلن اوردیار.
مخدومقلی فراغی بیر عارف دیر، اول عرفان یولی بیلن یوره مک بیلن قرآن کریم دن و حدیث لار دان الهام آلیب اونی غوشغی قالیبینده همه لره دوشینریالی دیلده بیان ادیار. فراغی موضوع لاری قرآن دا و حدیث دا ناهیلی بیان بولان بولسه، شویله ده توصیف ادیار. مخدومقلی فراغی بیرناچه غوشغی لارینده آخرت دان ، جنت و دورخ دان سوز آچیپ و همده بیرناچه غوشغی لارینده، قیامت نینگ نشانه لارینی هم آچیقلاب، بیزی بو حقده اویلانماغه یول گورکز یار.
قرآن کریم ده و صحیح حدیث لار دا آخر زمان و قیامت نشانه لارینی اوقاب، دوشینیب بولار.مخدومقلی فراغی قرآن کریم دن و حدیث لار دان الهام آلیپ، بو لارینگ بیرناچه لارینی اوز غوشغی لارینده تفسیر ادیپ، غوشغی لارینگ بیرناچه یر لرینده بولسه، قیامت نشانه لارینی هم یاد لاپ انسان لاری غفلت اوقی سیندان اوینماغه چاغریپ ، آلینده قیامتینگ بارلغیندان خبر بریپ ، اسرافیل صورینی چالسه و جهان بو حالتنده دورمان قیامت غوپار دیب، غوشغی سینده شویله بیان ادیار.
آخر بر گــون بولار آخــــرزمان اسرافيل صور اورسه بولارلار فاني

يا؛
اسرافيل صور اورسه يالان جهانه جان نه يخشا قالار نه يامانه
بر ساعتــــده قوپــار آخر زمانه اگر گلار بولسه قهري دلبرينگ
فراغی آیدیور : اسرافیل اگر صورنی اوفلاسه / بو جانینه یغشی لار اوچین غالار ونه یمان لار اوچین/ بیر ساعت دا آخر زمان بو لار/ اگر دلبر قهر اتسه شویله بولار.
فراغی نینگ دلبر دن مقصدی شو بییک تنگری و خالق جهان دیر. اول اگر قهرلانسه بیر ساعت دا قیامت قوپار، اونده بو دنیا و جهانینگ بارلیغی یندان بلی بولیار . اول دلبرینگ قهر لانمادیغنی گورکز یون دیر. انسان لار اگر حدیندن آشیپ، دوغری یولیندان چقیپ و اول دلبری قهر لاندیرسه لار، اونده قیامت قوپار و انسان لارینگ هیچ بیر غاچارینه یولی غالماجاق دیر.
اسرافیل صورینی چالماز دان اونگ هم قیامت نینگ بیرناچه نشانه لاری گلر و شوندان سونگ خدا (ج) نینگ امری بیلن اسرافیل صورینی چالار و قیامت قوپار. اول وقت دا بیر خدا (ج) دان باشقه جانی بار و جانی یوق ذاد لارینگ باریسی ویران بولار .
فراغی غوشغی لاریندان بیرینده بو حقده شویله یازیور:
حقدان باشغه جانلي قالماز
مخدومقلی فراغی نینگ یاشه یون دورینده یوزبرن برنأچه نشانه لار
مخدومقلی فراغی قرآن و حدیث لری اوقاب، دوغری معلومات آلیپ، اوز دیریچیلک ادن یرلی یاشیجی لارینی و همده ادن سفرلارنینگ دوامینده بیرناچه آدم لاریینگ ادیون ایش لرینی گؤریب، قلمینی اله آلیپ، قیامت نینگ بیرناچه نشانه لارنی بیان ادیپ، اوز یقین لارینه ، دوست لارینه و انسان لاره دوشندیریپ ، آخرت حقینده هم اویلانماغینه و فکر ادماگینه تأکید ادیار. مخدومقلی فراغی "قیسی بیلینماز"،" قیامتدن نشان"،" آخر زمانه"،" زمانه"،"قاچه باشلادی"،"یرانلار " وباشغا غوشغی لاریندا گیجه وگوندیز یوزبرن حادثه لاری قیامت نینگ بیرناچه نشانه لاری دیپ بللایار.
فراغی «قایسی بیلینماز» آتلی غوشغی سینده اوز دیری چیلیگندن نالیش ادیب ، بیرناچه آدم لارینگ آلیپ باریان ایش لریند خیر احسان تاپمایان، ظالم لارینگ جبر و جفا لاریندان، بیرناچه لرینگ اسلام و ایمانی دوغری دوشنمه یانینی، بیرناچه لر حلال و حرام فرقینی بیلمان و پیدا نقصانینی آنگلامایانینی ،خلایق لارینگ ایچنده گؤرلده بولیپ دوران بیر آدمینگ یوق لیغنی ، بای لار دا سخاوت ینگ یوق لیغنی ، عیال و غیز لر دا شرم و حیا نینگ یوق لیغنی، ادپ و حرمت نینگ ناهیلی لیگنی بیلمایان آدم لاری گؤریپ بیلیب شوله یازیار.

خلايقده گؤرالــده يوق گؤريم يوق بايلارینده سخاوت يوق، بريم يوق
عيال لارده اويات، قيز ده شرم يوق ادب قايسي ، اركان قايسي بيلينمز

فراغی ینه دا اوزیندان اوزینه بو گوره جانینگ مهمان لیغینی آیدیپ، اگر بو مهمان گیدن وقتینده اونده بیر لاش یالی یرده یاتجاغینی بیان ادیپ، یغشی آدم لار را یاردمچی و دوست لارینگ آزلیغنی و یامان آدم لار را دوستلیق و غرینداشلیق ادیان آدم لارینگ کوپلیگنی یاد لایار.
مختومقلي ! جان مهماندور گوره لاش ياخشا دوست يوق، يامانه كوپدور قرداش
فراغی "قیامتدان نشان " غوشغی سینده دوست لارینه خطاب ادیپ، غولاغی بیلن اشیدان و گوزی بیلن گورن لرینی آچقلاب بیان ادیار. فراغی نینگ خطاب ادان لری دینگه دوست لاری دال، مقصدی همه انسان لار دیر ویا دا جهان دا یاشه یون انسان لری اوز دوستی دیپ بللاب اولاره خطاب ادیان دیر.
فراغی قیامت نشانه لاریندان بیرناچه لرینی یوزبردی دیپ آیدیار."شکم یوق دیر دوست لار بولارینگ همه سی قیامت نینگ نشانه لاری دیر"
فراغی آیدیار: خلق ایچنده جهالت نینگ شهرت تاپماغی، درویش لر دیلینده بولسه داغ حسرت بار، مظلوم لاره یاردم الین اوزادن یوق دیر، بو جهانه ایز به ،ایز به بیرناچه بد آفت لرینگ گالماگی، اولی بیلر که ناچه لری که شرارت یا دا یمان ایش لری ادان لری،خیر ایشی یادا سالمان ، ضلالت یا دا گمراه لیغی ینگ کوپلماگی،مروتدان اثری بولمان و عدالت دان هم نشانی یوق دیر . بولارینگ همه سی شک سیز همه سی قیامت دان نشان دیر.
هرکشی بدعت ایش لرینی باتیر لیق بیلن ادسه، اونگه أردییر لر، اساسی یوق دینی بار ادیپ و محشره منکر بولار لار، دوغریچیل آدم لاری خائین دیپ و خائین لار بولسه دوغری چیل گورینار، شریعت اهلیندان خیجو و قورقیپ او لاری کوپ خور ادر لر، منکری مرشد بیلیپ و یالان سوزلری بولسه اقرار ادیلر، گمراه لیق ادیان آدم لارینی تقوا حسابلاب، تقوا نی بولسه انکار بیلر لر. بولارینگ همه سینه شکیمیز یوق دیر، « قیامت دان نشان.»
فراغی بو غوشغی سی نینگ دوامینده شویله دیار:
تنگری، پیغمبرسوزوندن بی خبر دیر بو پیر لر فاسق نی قاضی بیلیپ، نائبنی سلطان دییرلر
هر کیشی اول گلیپ گورسه، کی رشوت بییرلر باغلاییپ بهتان ایله، فقر اهلینـــــه تقصیر لار
سلله باغلاپ باشینا آچ بوری صوفی- پیرلر ایله ییپ خلق اوستوگه کوپ حیله یی – تزویرلر
حرحلال و گر حرام تاپسا دیقار لار – اییرلر روز محشر حـــق رسولغــــه نه جوابین بییرلر
شک دگیلدیر، دوستلاریم، گلدی قیامتدان نشان
***
اگسه ور، مختومقلی، سوزبیرله دردینگ هر زمان نه اوچین طالم غانوبت بردی بو دوری- زمان
آنینگ اوچین گوزگورن- اشیدندن اوته گچدی گمکان ایله ییپ بیر-بیرینه دعوای بــــاطل نی همان
بیر شایی لیق مال اوچین، تحقیق، برر الدن ایمان اوزونی أر سایینارکیـــم، آرتیــق ایشه اسه یامان
بو کونگول یوز شوق ادر ناحق اوچین توکماگه قان گویجی اوتسه گربا نینگ، قاپلانگا هیچ برمز آمان
شک دگیلدیر، دوستلاریم، گلدی قیامتدان نشان
فراغی «آخرزمانه» غوشغی سیندا ینه دا دوست لارینی مخاطب قرار بریپ آیدیار:بیلمانم آیا آخرزمان یقین می؟ آیا قیامت گونی یقین لاشدمی؟ سبابی شویله یوز برشلر باردیر دیپ یورک سوزین شویله بیان ادیار:
کونگلیم آیدار دوستلاریم ایلاین بیان بیلمانم یقین می آخر زمانه
دنیا اوچیــن شــــریعت نی تاشلابان بیلمانم یقین می آخر زمانه
ینه دا شو غوشغی سی نینگ دوامنده ملا لارینگ،مفتی لارینگ،باشلیق لارینگ، طریقت پیرلرینگ و صوفی لارینگ، شیخ لارینگ، خواجه و سید لرینگ و کد خدا لارینگ ادیان بیرناچه بدعت عمل لارینی شاید آخر زمان نینگ نشانه سی بولسه ،دیپ شویله بیان ادیار:
ملا لار علمینه اتمه دی عمل شریعت ایشینه ایله مه ی جدل
پالیمیز بوزولیپ کوپلدی کسل بیلمه نم یقین می آخر زمانه
ملا لار اوقان علم لارینه عمل اتمزلیگی، مفتی لارینگ پول آلیپ یالان روایت لاری برماگی، باشلیق لارینگ خلق دان رشوت یا پاره آلماغی، ایشان لارینگ یا طریقت پیر لرینگ ریاکار لیک لری، صوفی لار نفس اوچین مله دون گیانلیگی، شبه لی طعام لاری حلال حساب لاپ ایماگی، سادات لارینگ اصل نسبی اوچین فخر لانماغی، کد خدا لارینگ پول آلیپ، دوغری سوزلامزلیگی، سخاوت سیز بای لار اوز مالی نینگ زکاتینی برمزلیگی وبو جهان دا فساد ینگ کوپلمه گی، غیز اوغلان لارینگ شرم سیز بولماغی، عراق شراب ینگ آلیپ ساتماغی بیر عادی ایشه آیلانماغی و شویله یامان ایش لرینگ بولماغی بیلن بو جهان تیز لیک ده خراب بولمسه. بو غوشغی نینگ سونگینده هم شویله بیان ادیار:
مخدومقلی مونچه قیلماق حکایت عاقل لارده شاید بولار کفایت
دنیا نینگ ایشنه یوقدیر نهایت بیلمانم یقیــــن می آخر زمانه
فراغی «قاچه باشلادی » غوشغی سینده، ینه ده ریا کارلری، ظالم لاری، ایکی یوزلی آدم لاری، خلق آلینده بی سبب فخر لان یان لاری، مفتی لارینگ یمان عمل لارینی، شاه لارینگ عدالت سیز لیغینی، صفی لارینگ دوغری دال عمل لرینی وقاضی لارینگ پول اوچین اتیان ایش لرینی گوریپ و خبرلی بولیپ، نالش بیلن شویله دیار؟
شاه لار دا قلمادی حکم عدالت بر پول اوچین مفتی برار روایت
بیل بو ایش لر نشانه سی قیامت ظالم لار بی توبه اوتـــا باشلادی
ینه دا "یرانلار" غوشغی سیندا هم دوست لارینه(مقصدی اهل جهان یاشیجیلاری بولسه گرک) خطاب ادیپ آیدیار: بوگزک اهل جهان یاشیجی لارینگ بیرناچه لرینگ عمل لارینی آخرالزمان نشانه سی دیپ بللاب و محمد (ص) نینگ هر بیر آیدان سوزلری آیدشی یالی بولار دیار . وینه ده ریا کار ایش لری، علماء لارینگ بیرناچه ایش لرینی، قاضی لاری، مفتی لاری، صوفی لاری و طریقت پیرلرینگ بیرناچه لرینگ دوغری دال ایش لرینی غایتالاپ یاد لاپ ، بو غوشغی سی نینگ سونینگدا اؤز اؤزینه شویله دیار:
توبه ات مخدومقلی آخر زمان دور بو ایش لر هر کیم دا بولسه یامان دور
ایمان لی قول ایکی دنیا آمان دور گل آچلیپ چمن یولدی یرانلار
بیرناچه نشانه لار گلاجک ییل لار دا ظهور یا دا اورتا گالسه گرک دیر
مخدومقلی فراغی دینگه اؤز یاشاپ گچن دورینده یوز بران، یوزبریش لری گوریب اولاری آخرالزمان نشانه سی دیمان ، ایسم بیرناچه گلاجک دا یوز برجک واقعه لارینی هم آخرالزمان نشانه سی دیپ بللایار. فراغی نینگ بو سوزلرینی اوقانمیزدا اوندا موندان ایکی یوز سگسن ییل اونگ بیرناچه گلاجک دا یوز برجاک واقعه لار دان خبر بریپ دیر. فراغی بو سؤزلری قرآن آیت لاریندان و صحیح حدیث لار دان تاپیپ اوقاپ ، آیت و حدیث ینگ معنا و مفهومینی چپر چیلیک بیلن غوشغی قالیبنده اؤز انه دیلینده بیان ادیپ دیر، اول اؤز غوشغی لاریندا اونگیندان سونگگینجه چنیلی بیر آیتی یا حدیثی ترجمه ادمان دیر، بلکه اول دورلی موضوع لار آیات و حدیث دان الهام آلیپ استاد لیق بیلن بیان ادیپ دیر. شوندا هم آیت و حدیث ترجمه سینی بیلیان آدم لار فراغی نینگ غوشغی سینی اوقان زمانیندا، اونینگ معنا و مضمونینه غوویجه دوشینیپ، آیات و حدیث لارینگ ترجمه سی دیپ قبول ادر.
فراغی گلاجک زمان لار دا یوز برجاک آخر الزمان نشانه لارینی اوز غوشغی لاریندا آیات و حدیث دان گوریپ بیلیپ، بیان ادیب دیر. بو حقده اؤزی هم الله (ج) نینگ کلامیندان الهام آلانینی آیدیار:
مخدومقلی سؤزلار کلام سوزینه
«آرتسه گراکدیر« غوشغی سینده شویله دیار: دوغان لار، دیریچیلیک گونه به گون دان یمان لاشیپ باریار و ییل، ییل دان گؤرا بدعت لار کوپیلیپ باریار، بیرناچه لر عراق شراب ایچیپ، زنا اتمک بیلن مصروف دیر لار و شویله عمل لار خلایق آره سیندا کوپلیب و بیر دأپ ـ دستوره آیلانسه دیار:
قارداشلار گون گوندان بتار بولوپ دور ییل ییل دان بدعت لار آرتسه گراکدور
عراق ایچیپ زنا قیلان جهانده بللی مشهور بولیپ دورسه گراکدور
دوکا باشلادی غوشغی سی نینگ بیر بولاگیندا هم ملا لارینگ بیرناچه ایش لرینی شویله بیان ادیار:
جماعت سیز آذان بیر قوری سس دیر نیچه ملا نینگ اوقان علمی عبث دیر
قاضی لارینگ کاری چای بیله ناس دیر بیر بوزوق نشــــــانا توتـــا باشلادی
ایشـــــان لاری هر قاپیـــــــدا تاپیلار ملا لار نا یقو مجابت یاپیلار
اولیا من دییپ جوگی صوفی لار قیغیریپ آسمانــــــــا بوکا باشلادی
دنیا دا سود خورینگ پول ییغما دردی بایلارینگ مال لاری بی زکات اردی
توبه ادینگ ، گوزوم بیر یمان گوردی بی گناه بیر-بیرین یاقــــــا باشلادی
مخدومقلی باشا باغلاپ سله لر آچ بــوری دی یورتوپ نیچه ملا لار
حلالدان حرامدان ییغنان غله لار هرنــــه تاپسا دینمــای دیقا باشلادی
بولماسا عنوانلی غوشغی سیندا هم شیخ لارینگ نیت لری و عمل لارینی بیان ادیار و همده ، قران کریم ینگ یوزیندان خط لاری اوچار، هر کیم دا خیر و سخاوت بولسه بیر بیاباندا بار بولان آریغه منگزار دیار:
آخرزمان بولسه شیخ دان پال قاچار کلامینگ یوزیندان خط قالماز اوچار
میدان داکی سوسیز آریغا اوخاشر هرکیمینگ سخاوت خیری بولماسا
فراغی آیدیار کلامینگ یوزیندان خط قالماز اوچار مقصدی نامه دیر؟ مقصدی قران کریم نینگ همه صفحه لارینگ خطی پاک بولارمی ؟یا دا قیامت یقین لاشیب برسه، اوندا هیچ کمسه خدا ج نینگ کلام ینه عمل ادمزمی؟
شاید سونقی سؤز دوغری بولسه گرک؛ سبابی قران کریمه دوغری عمل ادمزلیک، قرآن ضرورت دأل، دیدگی بولسه گرک؛ یا دا قرآنی عمل سیز اوقاماق، قرآن کریم بیزینگ گوزیمیزنگ آلیندا آچیلیپ دورسه، اما اونده هیچ بیر خطی بولمسه.
قالار یران لار غوشغی سینده آخر الزمان بولانیندا خلق لارینگ یدمیش اوچ فرقه بولنجاگینه اشاره ادیار بو هم قیامت نینگ نشانه لارینگ بیری دیر و بو حقدا کتاب دا و همده بیرناچه باشقه لارینگ غوشغی لاریندا هم مونگه اشاره ادیلیپ دیر ، کابیر لر بولسه مونی یتمیش ایکی ملت دیپ دیر. شویله دا آیدیار رسول الله نینگ امتی اون ایکی بولمه بولینار دیار و هر بیریندان بولسه آیرتین سوراغ لار ادیلسه گرک و فرض و سنتی بولسه دینه گواه دیر لر دیار:
دینـــه گواه دیـــر لر فرضی سنتی یتمیش اوچ فرقــــه گورینگ ملتی
اون ایکی بولاک بولار رسول امتی هربیری بیر جنس دا سوره لار یرانلار
بو غوشغی نینگ دوامندا قیامت و محشر گونینده بو اون ایکی توپارینگ حال یغدایی لارینی بیان ادیپ ، هر بیر دیلینه گلن سؤزلر ، حق کلامیندان دیر دیپ، شویله دیار:
کلامده گوردیگین سوزلار دیلمیز آخر اجـــل اوستینـــده دور یولیمیز
مخدومقلی آیدار بزینگ حالیمیز یارب اول گون نچوک بولار یرانلار
مخدومقلی فراغی نینگ خلق ایچنده کوپ مشهور غوشغی لارینگ بیری بولان (خراب ایلار) غوشغی سینده، آخرزمان دان اونگ بوتوپارینگ دورلی اطراف لاریندا یاشه یان آدم لارینگ اوستنه ناهیلی بلا لارینگ گلجاگینی آچیقلاب بیان ادیپ دیر. بو غوشغی نینگ باشلانیشنده بو جهانی یامان و بد ایش لر خراب ادر دیار.
بو دنیانی بد بد کار خراب ایلار
بو غوشغی نینگ دوامینده آخرزمان خلق لارینگ خاصیت لارینی ساناپ شویله دیپ دیر:"اهل حق و حقانیت نینگ استاد لرینه هیچ بیر غرالماز، هر بیر کیشی لر اگر یمان ایشی اوزینه پیشه ادسه اونده اونینگ ایشی رواج بولار، هر بیر کیشی اگر زوری کوپ بولسه، اونده یر یوزی نینگ سلطانی بولیپ و بوجهانی ظلم ایلان قدرت خراب ایلار دیار:
تیلاگی دوش گلماز حق دیپ یاتانینگ ایشی رواج تافار بد ایش توتانینگ
یریوزینده بولار گویچ گویچ یتانیگ جهانی طلم ایلان زور خراب ایلار
بو غوشغی نینگ دوامینده ترکمن عقلداری، شویله چپرچیلک بیلن آیدیپ دیر: اوزینی عالم بیلن علمه اویماز، یوق ایش لرا یول غورشاپ و بار ایش لری بولسه بد گورکزر لر و شودیپ هم شعریتی یوق ادیپ یامان ایش لری بولسه سد یا محکم توتیپ رواج برر لر و همده هر اولکا نی بولسه ناچه ساناق طور خراب ایلار:
علمه اویماز عالم لاری جد بولار یوق ایش یول بولار بار ایش بد بولار
شعریت نیست بولار بد ایش سد بولار هر اولکانی نیچه طور خراب ایلار
دجال، یأجوج و مأجوج حقنده :
دجال، یأجوج و مأجود حقینده ناچه گزک بیرناچه ییرلرده اشدان بولساق و کابیر وقت لار دا کتاب لار دا هم اوقان بولساق و شاید هم یورگمیزه غورقی گالان بولسه گرک . مخدومقلی فراغی هم غوشغی لاریندان دجال ، یاجوج و ماجوج حقینده سؤز آچیپ و اولاری قیامت نینگ نشانه لاریندان دیپ حساب لاپ دیر.
بللی سی دجال چیقار بو دور قیامتدان نشان
مخدومقلی فراغی غوشغی لاریندا دجالی شویله تانیدیپ دیر. دجال بیرجانلی ذات دیر که بیر اولاغ بیلن قاف داغیندان چقسه گرک. او نینگ بیرک گوزی بار بولیپ و غراگینیپ چیقان زمانیندا عالمه غوغا گترجک دیر.
دجال گلار دیر لر برنیچه ئیلدان عالمه بر غوغا ساله گراک دیر
... گوزی بیر دور غره گیمیش قدینه
دجال دنیا گلان زمانیندا باشقه بیر ملت و باشقه بیر دین ظهور ادار.
دجال دنیا ایناندا باشقه ملت دین دورار
دجال دان حمایت ادیان غوشین یا توپار شویله بیر کوپ دیر که باشلانشی هندا و سونگی هم فارس بولسه گرک و اگر سازینی چالان چاغی غایتالاب کعبه طرافه باران سونگ ، ارواح بیله جن دورار.
دجال سازین قوران سونگ ساز صحبتین سوران سونگ
دونیپ کعبه باران سونگ ارواح بیلـــــه جـــن دورار
دجال قاف داغیندان اشاگینی دورلی بهالی ذاد لار بیلن بزاب چقان چاغیندا ، مهدی اونینگ غرشی سندا اورش توغینی تیکر و دجال سواش دا اؤلسه گراک دور.
بر گون قاف داغیندان خر دجال چیقار بسلاب اشـــــاگینه زمــــــــرد داقار
یا مهــــدی اونگیندان توغینی تیکار سواش ایلاب دجالی قیرسه گراک دور
دجال اولان سونگ، دینینگ چراغی غاتیلاب یانیپ و مسلمان خلقی ینه دوغری یولا دوغر یلانار لار .
اوشال داغدا دجال نبرنانه دوننار یانگی باشدان دین نینگ چراغی یانار
«خراب ایلار » غوشغی سیندا هم آیدیار:"بلغار توپاریغنی روس ویران ایلر و روس بولسه دجال و اود ویران ایلار " دیپ، دوامندا آیدیار: مهدی یردن دؤرار و عیسی هم آسمان دان گلیپ ،دجالی بو ایکی جومرد یوغالددار دیپ ، بو ایش لرینگ همه سی آخر زمان دان اونگ بولسه گرک دیر، دیار.
بلغارنینگ شهرینه گوگدان سس گلار اول شویله سس دور اشیندان اولر
بلغارینگ شهرینی اول اورس آلار اورسی دجال بیلن نار خراب ایلار
مخدومقلی هرکوم دنگلاسه جاندان بو ایشلار اونگ گلار آخر زماندان
مهدی یرادن چیقار عیسی آسماندان دجالی بو ایکی أر بیل خراب ایلار
یأجوج و مأجوج حقینده مخدومقلی فراغی نینگ غوشغی سیندا منینگ دوشنجامه گورا، دجال بیلن یأجوج و مأجوج تفاوتلی وقت دا تاپلسه گرک. سبابی فراغی "برسه گرک دور" عنوانلی غوشغی سیندا آیدیار: مهدی بیلن عیسی جهانی آلار و سونگ هم قرق ییللاب حکومت ادر و قرق ییلدان سونگ هم بیر آز سفر ادر . شوندان سونگ گیاه لار غورییر، دریا لار سوسیز بولار. شول وقت دا یأجوج و مأ جوچ آدیندا بیر ذادی تاپیلار که گون باتر دان گون چقارا گیدر. موندان اونگ هم آیدیپ تی، دجال مهدی بیلن سواش ادانیندا قاف داغیندان ویران و یا هم بندی بولار .
آسمانـــــــدان جبرائیل آلاره گلار مهدی بیلن عیسی جهــــــانی آلار
مدینــــــه شهرینــــــدا پادشاه بولار قرق ئیل لاب دورانی سورسه گراکدور
قرق ئیلدان سونگ آزهم قیلار لار سفر گیاه لار قوریب دریـــــا لار کئفار
یاجوج و ماجوج دیر لر بر معجز قوفار مغرب دان مشرقه یورسه گراکدور
فراغی «آرتسه گراکدور » غوشغی سیندا آیدیار:"اگر عیسی و مهدی گلسه، بودنیا عدالت دان دولار و یأجوج و مأجوج گلسه بولسه اونینگ ظلمی هیهات قولی و حسرت لی دیر.
عیسی مهدی گلسه عدلدور ذاتدور یأجوج و مأجوج گلسه ظلمی هیهات
ینه دا یأجوج و مأجوج نی حضرت عیسی و مهدی(ع) دان سونگ گتریپ بو غوشغی نینگ دوامینده یأجوج و مأجوج آزراق تانیشدیریار." بیر ذات دیر غولاغی یره سویرانار و کوپ قورقلی ذات دیر ، گمان ادیارین که قاف داغینی دشیپ گالسه گراک:
قولاغی یر دان سوره نار یاویز ذاتدور قاف داغینی دپیپ گلسه گراک دور
سورا سا لار یأجوج و مأجوج نامه؟ جوابی : شویله بیر ذاد دیر اگر بیرک بیرک لرینی ایار لر و اگر بیرگنی اولدیرسانگ بیرینگ جاینه مونگ سانغی دورار :
یأجوج و مأجوج دیر لار بیـــــر بیـــــــرینی ایار لر
بیرین اولدیر قویار لار بیرینگ یرینه مونگ دورار
یأجوج و مأجوج : گورنیشی آدم لار یالی، مانگلای نینگ آقلیغی گون یالی، اونینگ ایاق لاری و بوینی دویانینگ کی یالی، غولاق لاری سویرانیپ دوران، شاخ لاری هم اوزیین، اوخلاماق اوچین بیر هفته وقت برار ، هیچ کیم اوندان غوتیلیپ بیلماز.
اما دجال و یأجوج ومأجود دوغریدانم حیوان می یا انسانه منگزاش بیر ذات می ؟
حضرت مهدی (ع) و عیسی(ع) حقیندا:
شویله که حضرت عیسی(ع) و حضرت مهدی(ع) جهانه گلیپ حکومت اتسه، جهان اصلاح بولار. بو ایکی ایکی بیری بیرینگ یانیندا دوریپ، دینینگ چراغینی غایته باشدان یاندیرارلار ، کافر لر بیلن ، منافق لار بیلن سواشار لار، یامان ایش لری یوغالدار لار . غرانگقی لیق جاینی یخدیلیق آلار، یغشیلیق یمان لیغی نینگ جاینی آلار، عدالت ظلم و ستم نینگ جاینی آلار و انسان لار عدالت دان دولی دنیا دا آرام و آسودا دیریچیلک ادر لر. شویله که اونگ مهدی و عیسی (ع) مدینه گلیپ قرق ییل حکومت ادر و سونگ هم بیر آز سفرادر لر، اما بو سفرنینگ مدتی قنچه دیر؟ بوحقدا دورلی روایت لار، کابیر لرینگ آیدشینه گورا زمان کوپ اوزاق بولار و اونگکی گچن زمان اول وقتینگ بیر ساعتی یالی بولسه گرک.
گون باتر دان گون نینگ دوغیشی حقندا:
روایت لارا گورا، آخرزمان بولانیندا گون ، گون باتار دان دوغسه گرک دیر و بو گوندان کوپ تفسیر لری ادیلیپ دیر، کابیر لر آیدماغینه بو گون شول حقیقی گون دیر که خداو (ج) نینگ قدرتی بیلن اونینگ چیقیان و باتیان یری اوریلجک دیر و یا هم یرینگ آیلانیشی شویله بیر اویدگاجک دیرکه گون ، گونباتار دان دوغجاق دیر. حاضرکی گون دوغیان یری گون ینگ باتیان یرینه و حاضرکی گونینگ باتیان یری بولسه گون ینگ دوغیان یرینه اورلجک دیر.
کابیر لر بولسه حضرت عیسی(ع) و کابیر لر هم بولسه حضرت مهدی(ع) دیپ تعبیر ادیپ دیرلر.
کابیر لر بولسه گونی علم دیپ تعبیر ادیپ دیرلر ، مغریب زمین دان علم اوسیپ دنیا نینگ یوزینی یخدی ایلار و گون چیقار دا بولسه شویله بولماز دیپ دیرلر.
مخدومقلی فراغی بو واقعه نی اوز غوشغی سیندا اشاره ادیپ آیدیپ دیر: گون باتار دان گون چقانیندا او نینگ گورنیشی آی یالی بولسه گرک.
برگون اول گون باتار دان بللی مشهور خان دورار
یوزی ماه تابان داک بلاکلاری قان دورار
ینه دا بو غوشغی نینگ دوامده بوحقده شویله دیار:
عاشقلارا اوی بولماز دنیا یولی تای بولماز
یریوزیندا آی بولماز گون باتار دان گون دورار
مخدومقلی فراغی بو حقدا "مزارستانه ساری" غوشغی سیندا هم شویله دیار:
گون دوغار دان گون باتار ترسایهود هم تاتار
شهر لر حاتار حاتار مغربستانه ساری
غیسغا صورت دا آیدیپ بیلرس که مخدومقلی فراغی دینگه بیر شاعر دأل، اول ایسم بیر عالم دیر که قرآن کریمینگ آیت لارینی و حدیث لاری غوشغی لارینه یرلاشدیریپ بیلیپ دیر. فراغی غوشغی لاری نینگ بیرناچه لریندا، انسان لاری و مسلمان لاری الله (ج) نینگ امرینی بیرجای ادیپ و محشر گونیندان قورماق و بیرگونی حسابات بار و بیرگونی بیک تنگری نینگ حضورینه بار مالی و بیرگونی اؤلن لر غایته باشدان دیرالر و هر بیر ادن ایش لرینی و حتا گیزلی ایش لری نینگ حسبابینی هم برر، دیه ن معنا لاری گورمک بولیور.
حرمتلی مسلمان دوغانلار! فراغی نینگ غوشغی لاریندان ینه دا قیامت و محشر گونی حقینده دورلی غوشغی لاری بار بولسه گرک، اما من فراغی نینگ غوشغی لارینی غیسغه لادیپ آلدیم تا که سؤزیم اوزاغه چیقماز یالی .

چشمه لر :
فراغی نینگ کامل دیوانی
بیرناچه سوز لرینگ معنا لارینی بیلمک اوچین بولسه «راسخ سوز لیگی» ندن پیدا لاندیم.